QANDEEL E NOORANI SHAHBAZ E LAA MAQANI PEERE PEERAN DASTAGEER SHAIKH ABDUL QADIR GILAANI REHMATULLAH ALAYH

 ASSALAMUALAYKUM , TAMAM PADHNE WALO KO MAI KHUSHAMDEED KEHTA HUN.

YEH MERA PEHLA ISLAMIC BLOG HAI. YANHA KE ARTICLES AAPKO AULIYA ALLAH KI SEERAT MUBARAK KI KUCH MUKHTASAR JHALKIYAN MILTI RAHEGI. INSHA ALLAH. STAY TUNED.

SHAYKH SAIYYID ABDUL QADIR GILANI AL HASANI WAL HUSSAINI AL HAMBAL.REHMATULLAH TAALA ALAIH.

 

Aaiye sab se pehle hum sarkar gaus e pak ke naam se barkat hasil karte hai aur uska maana samajhte hai.

Saiyyid Muhyuddin Abdul Qadir Gilani hambali ashari al hasni wal hussaini rehmatullah alaly.

 

Sab se pehle SAIYYID KA MAANA :  SARDAR., AULAD E FATIMAH, MURSHID

GILANI KA MAANA :  Aap sarkar Gause paak Gilan Shahar ke andar hi paida hue isliye aapko Gilani kaha jata hai. Kuchh log aapko Jilani kehte hai. GILAN aur JILAN dono Iran ke hi shahar hai. Fark ye hai JILAN jo hai ye char qasbo me se ek qasaba hai QLATA E HAYE GARABI rural district ka. JILAN qasba zila BUSTAM me hai Bustam Suba SIMNAN me hai  jo Mulk e IRAN mai hai.

Ab aa jaiye GILAAN PAR.

GILAAN jo hai wo jadeed iran ka 31 wa suba hai. Gilan ka suba Iran ki jannat kehlata hai. Kyu ki waha baagat hai, Dariya hai aur khub sabza hai. Yanha ke purane log apne aapko GELEKI kehlwate hai aur unki purani language jo asl me Persian hai use bhi GELEKI language bolte hai. GILAN se Baghdaad ka faasla 629 km hai. To kai wujuhat ke bina par ye keh sakte hai ke aap sarkar Gilan hi ke andar rehte the Jilan mai nahi. Aap ka Ghar aapke naana ka ghar HARAS dariya (RIVER) ke kinare par hai jo GILAN mai hi hai.

HAMBAL  KA MAANA :  Hambal maana hota hai lobiya khana , lobiya matlab hota hai KEDNEY BEANS (RAJMA) khana. Dusta maana hota hai mauza aur purani aastin pehenna. Lekin chunki imam ahmad bin hambal mashhoor hue to unke jitney pairokaar the wo HAMBALI kehelwaye.  Al gausul Aazam aap ahmed bin hambal ke pairokaar the fiqh me isliye aap ke naam ke aage hambali lagaya jaata hai.

Yahna sawal ye aata hai ki aap sarkar gause pak Imaam Ahmad Bin Hambal ke pairo kaar kyun hue?

Ek wajah ye hai ki aap Madrasatul Nizamiya mai padhte rahe hai. Al madrasatul Nizamiya mai Hanabila, shawafe aur Ashaari ka falsafa padhaya jaata tha aur fiqh padhai jaati thi.

Aap ke jo Mursheed aur Ustad hai Hazrat Abu Seed Mubarik Mukharrami (jisko Makhzumi padhte hai) Rehmatullah Alayhe.  Jo khud Hambali hai. Is taraha Aap ke Peer o Murshid , Ustad aur Madrsatul Nizamiya mai zyadatar Ustad Hambali the . Ye bhi ek wajah hai aapke hambali hone ki.

Ek wajah aur suniye. Abul Abbas Ahmed bin Mohammad bin Abil ganayim bin Muhammad Azahari Hussaini Rehmatullah e alayhe apne walid  sheikh mehmood gilani se unhone Shaikh Ali Bin Haiti se suna ki Ek roz mai Abdul Qadir Gilani ke saath Shaikh Ahmed Bin Hambal ki Qabr par gaya. To mai kya dekhta hu ki ju hi Shaikh Abdul Qadir Gilani aap Ahmed bin Hambal rehmatullah alay ki Qabr par Pohche to aap apni Qabr Mubarak se bahar nikal aaye aur aap Shaikh Abdul Qadir ko apne seene se laga liya aur Khilaat ata farmayi. Is wajah se aap Hambali kehlwaye.

HASANI AUR HUSSAINI Q KEHTE HAI.?

Aapki walida Ummul Khair Fatima binte Abdullah sumaee , Imaam Hussain Radiallho Anho ki aulaad se hai isi liye aapko Hussaini Kaha jata hai.

Aap ke walid Sayyid Saleh , Imaam Hassan ki Aulad se hai isiliye aapko Hassani Kaha jaata hai.

Aap Najibuttarfein Saiyyid hai. Allah u Akbar.

 

TAWARIKH E PAIDAISH :  470 AUR 471 HIJRI MAI AAPKI PAIDAISH HUI IS PAR AKSARIYAT JAMAA HAI. AUR DALAIL BHI ISI KE UPAR HAI KE AAP KI WILADAT 470 HIJRI ME HUI.

Aap ki wiladat se 5 saal qabl Data Ganj Baksh Ali Hujweri Rehmatullah Alayhe Duniya se rukhsat ho gaye.

Data Saab ka wisal Hijri 465 me hua, Is tarah Gause paak ki wiladat ka saal hijri 470 ya 471 hua.

 

                GAUSE AAZAM KE WALID HAZRAT ABU SALEH MOOSA REHMATULLAH ALAYHE KI SHAADI KA WAQEA :

 

Hazrat Abu Saleh Rehmatullah alayhe aap Gilaan me rehte the aur gilan me sabza hi sabza hai yani khub hariyali hai. Ek martaba aap sarkar hazrat abu saleh Haraz Dariya ke kinare par chal rahe the, aap roza rahe hue the. Chalte hue unhone dekha ki ek saib dariya ke paani me behta hua unke paas se nikla, unhone wo saib utha  liya. Aur socha aaj isi se roza iftar karenge. Roza iftar  karne ke baad khayal aaya ki ye kya kar baitha mai. Agar qayamat me iske bare me sawal hua to kya jawab dunga mai. Isi khayal me wo saib ke maalik ki talash me jis taraf se saib aaya tha uski mukhalif samt chal pade. Chalte chalte woe k jagah pohche jahan unhone dekha saib ke paid ki tehni paani ke upar jhuki hui hai, unhe yakeen ho gaya ki saib yanhi se aaya hai. Unho ne us makan ka darwaza khatkhataya. Makan ke mulazim ne darwaza khola aur puchha kahiye kiska kaam hai?. Aapne farmaya mujhe is ghar ke maalik se milna hai. Mulazim ne puchha kya kaam hai unse? Aap ne farmaya maine is bag ka saib kha liya hai to maafi maangne aaya hun. Hairan mulazim apne maalik ke paas andar gaya aur kaha maalik ek naujawan aaya hai kehta hai apne baag ka saib gir gaya tha dariya me usne kha liya aur ab uski maafi maangne aapke paas aaya hai. Maalik muskuraye aur uthkar aaye darwaze par naujawan se milne. Sab se pehle aapne naujawan ko sar se pair tak dekha aur uska naam puchha. Naujawan ne apna naam Saiyyid Abu saleh Moosa bataya aur bola mai imam Hassan ki aulad mai se hun aur saib khane ka manjra bataya aur kaha huzur mai maafi maangne aaya hun par chunk e mai tandurast hun isliye sirf lafzo se maaf na kijiye mujhe kuch kaam dijiye taaki mai wo kaam kar lu aur mera jurm maaf ho jaye. Maalik buzurgwar ne soch kar kaha thik hai, tumhara jurm maaf karne ki do shartein hai, pehli ye ki tum 8 saal yanha mere paas kaam karo aur ye shart puri hote hi mai tumhe dusri shart bataunga. Yanha batana chahunga ki hazrat somayee rehmatullalhe alayhe thik thak ameer aadmi the aapke baagat bhi the aur aapka ruhani silsila bhi chalta tha. 8 saal tak aap sarkar abu saleh rehmatullahe alayhe ne aapke baagat ki rakhwali ki ek saib ke badle me. 8 saal baad aap hazrat somayee rehmatullahe alayhe ke paas hazir hue aur farmaya huzur mere 8 saal pure hue. Ab hazrat somayee rehmatullahe alayhe ne dusti shart batai ki meri ek ladki hai us se tumhe shaadi karna hai lekin gaur se suno wo ek tarah se andhi, gungi,behri, luli aur langdi hai. Aur meri beti se shaadi karte hi hamari dusri shart puri hogi aur tumhara jurm muaf ho jaega. Aap hazrat saleh rehmatullahe alyhe razi ho gaye aur aapka nikah ho gaya. Shaadi ki pehli raat jab aap apne kamre me gaye to aapne apni zauja e Mubarak par daali to aap hairan reh gaye itni khubsurti dekh kar , pehli nazar maaf hoti hai isliye aapne dusri baar nazar naa ki aur fauran kamre se bahar aane chal diye, ye dekh kar aapki zauja ne aawaz di pichhe se ki suniye mai aapki biwi hun aur aap mere shohar hai. Aapni biwi ko bolta aur dekhta sun kar aur jaldi se wo ghabra kar kamre ke bahir aaye aur hazrat somayee rehmatullahe se takrate reh gaye. Aapne hazrat somayee rehmatullahe alayhe se farmaya hazrat kamre me koi dusri ladki hai kyun ki na wo andhi hai, na behri , na luli na langdi na gungi. Hazrat somayee rehmtullahe alayhe ne farmaya bete tumne meri baat ko dhyan se nahi suna tha maine kaha tha wo ek tarah se andhi se matlab wo dekh to sakti hai lekin aaj tak kisi gair mehram  ko nahi dekha. Wo ek tarah se behri hai matlab wo sun sakti hai magar aaj tak koi buri baat nahi suni, wo ek taraha se gungi hai wo bol to sakti hai magar aaj tak ko buri baat usne muh se nahi nikali, wo ek tarah se luli hai uske haath to hai magar aaj tak usne apne haath se gunah wale kaam nahi kiye, wo ek tarah se langdi hai wo chal to sakti hai magar aaj tak uske kadam kabhi gunah ki taraf nahi uthe hai.

Aap hazrat abu saleh shaadi ke baad wahi apne sasur ke saath hi rahe waha se kahi aur nahi gaye, zyadatar qutub me yehi likha hai.

 

WILADAT E GAUS E AAZAM :

Aap sarkar Hazrat Abu saleh rehmatullahe alayhe ki umr mubark jab saath saal ho gayi to Allah taala ne ehsaan kiya aur aap ke yanha 470 hijri yakam ramzanul mubarak me Allah taala ne beta ata kiya jise duniya Gausul Aazam Dastagir ke naam se jaanti hai.

Pure ramzan mubark me aap suhur se iftar tak dudh nahi peete aap padaishi wali hai.

Aapne 17 saal Gilaan me guzare. Aapki umr Mubarak 11 saal ki hui to aapke walid hazrat abu saleh musa rematullahe alayhe ka wisal ho gaya 481 hijri me. Aap ko Gillan me hi dafna diya gaya aapki qabr mubark bhi gilaan me hi hai.

18 saal ki umr tak aap Gilaan me hi rahe . Quran e paak hifz apni ammi jaan se kiya, aap apne naana jaan se bhi taalim lete rahe, aap padhne maqtab me bhi jaate rahe. Aapki maadari zuban farsi hai.

18 saal ki umar hui to ek din apni ammi se kaha ammi mujhe ijazat de dijiye mai BAAGHDAD padhne jaana chahta hun. Jab aapki umr 18 saal thi aapki waleda maajidah ki umr sharif 78 thi. Yanha sawal ye hota hai ke aap apni budhi amma ke paas rehne ke bajaye baghdaad q jana chahte the?

Uski wajah ye hai ki ek din zulhajja ki 10 tarrikh ko aap apne nanajaan ke khet mai gaay ko pakadne daude to gaay ne pichhe mud kar ye kaha ki “ aey abdul qadir Allah ne tujhe is kaam ke liye paida nahi kiya”  aap gaay ke muh se insani alfaz sun kar bhaage aur apne ghar ki chhat par chadh gaye.  Chhat par jab chadhe hai to kya dekhte hai ki Gilaan me apne ghar ki chhat se siddha saamne arfaat ka maidan nazar aa raha hai bina kisi rukavat ke, aur usme haji ahram pehne khana e qaba ka tawaf karte nazar aa rahe hai. Allahu Akabar. Aap ekdum se chhat se niche aaye aur Maa se lipat gaye . Maa puchne lagi beta kya baat hai? Aapne baith kar Maa se guftgu ki aur kaha ki Maa jab mai chalta hun to lagta hai ki mere ird gird koi hai aur jab me madrasa padhne jata hun to aawaz aati hai ki hato hato rasta do Allah ke wali ko rasta do. Aur maa aaj to gaay bhi boli ki aey abdul qadir tere rab ne tujhe is kaam ke liye paida nahi kiya. Aur aaj chhat par se hi maine maidan e araafat dekha. Ye sunte hi maa ki aankho mai aansu aa gaye aur puchha beta tum kya chahte ho? Abdul qadir rehmatullahe alay ne farmaya maa mai baghdaad jaane ki ijazat chahta hun ye sun kar maa rone lagi. Sarkar ne puchha maa tu roti kyun hai mere jaane par? Maa ne kaha nahi isiliye ro rahi hun ki jab tu padh likh kar wapis aayega to mai is duniya me nahi rahungi. Maa ne Ijazat de di.

 

GAUS E PAK KE DAURAN E SAFAR KA WAQIA : 

 

Maa ne sarkar Gause paak ko ijazat di saath hi safar me le jane ke liye 40 dinar unki sadri me sil diye chhupa kar ke. Aur nasihat ki ke beta Abdul Qadir chahe kuch bhi ho jaye kaise bhi haalaat pesh aaye par kabhi juth mat bolna. Aap sarkar apni maa ki ijazat le kar Gilaan se baghdaad jane wale qafile kesath ab safar par chal diye.Qafila jab hamdan se hota hua tarang ke virane me pohcha to achanak se 60 daaku o ke jhund ne un par hamla bol diya. Un daakuo ke sarkar ka naam tha Ahmad badwi. Zyadatar daaku us waqt ghar pariwar ke saath chal rahe ya taajir ko luta karte the akele chal rahe par wo tawajjo nahi dete the q ki pariwar ke saath chal rahe log aur taajiro ke muqabil akele aadmi paas kum daulat rehti hai. Aap sarkar gause paak ke paas na sawari thi naa saman tha. Jab ek daaku unhe puchhne laga kit ere paas bhi kuch hai? Tab sarkar ne farmaya haan mai bhi qafile ke saath hun aur mere paas 40 dinar hai. Ye sun kar daaku hasta hua wanha se chala gaya wanha se. ab sab sare qafile ko lut liya gaya to puchha gaya ab koi baaki hai? Sardra khud Abdul qadir ke paas aaya aur puchha kuchh hai tumhare paas? Aapne farmaya haan mere paas 40 dinar hai jo meri maa ne is sadri ke andar sil kar diye hai. Aapne khud sadri utar kar usme sila hua mota kapda phaad kar 40 dinar daaku ke sardar ko de diye. Agar koi aadmi khud se unki sadri janchta to bhi na pakad paata ki andar 40 dinar chhupaye hue hai. Ahmad badwi hairani se dekhta hua Abdul qadir se puchhne laga ki naujawan zara ye to bata ki agar tum nahi batate to hame pata lagta hi nahi hum dhundh hi nahi paate to phir hamare puchhne par tune hame sach kyun bata diya? Sarkar gaus e paak ne farmaya ki safar me chalne se pehle meri walida ne mujhse wada liya tha ki beta chahe jo ho jaye par kabhi jhuth mat bolna isiliye maine aapse sach bola. Ye sun kar Ahmed badwi tadap kar cheekh utha aur daakuo se bola sab ko unka saamaan wapis kar do. Daaku o ne hairani se pucha lekin hua kya?  Kehne laga is ladke ko dekho isne apni maa se kiya hua wada nahi bhula aur ahmad badwi apne Allah se kiya hua wada bhul gaya. Une paas aakar Abdul qadir gilaani rehmatullah alay ke 40 dinaar lautaye aur aapke haath chume aur kaha ladke tune meri aankhe khol di mujhe rasta dikha diya aur phir is kadar us par wahshat taari hui ki wo cheekh maar ke jangal ki taraf daud gaya aur phir uska kuch pata na chala. Abdul qadir gilani jab baghdaad pohche to sabse pehle wo 40 dinar fakiro me khairaat kar diye. Subhanallah.

Sab se pehle aap aapke naana ke ek jaan ne wale jo baghdaad me rehte the unke paas pohche. Unho ne aap ko batlaya ki yanha do madrese hai ek madrastul nizamiya aur dusra madrasatul anhaf. Aap kismet dakhila lena chahte hai? Hazarat Abdul qadir gilaani ne Madrasatul Nizamiya me padhne ki mansha zahir ki. Madrasatul nizamiya hi kyun chuna gaya? Iski kuchh wajah hai.

Jab musalamano koi lm ke bare me pata tha to musalamano ne badi badi universities kayam ki. Ye universities pehle madrasa hua karti thi madrasa se tarakki karte karte wo universities ban jaya karti thi.

Misr ke andar Al-Azhar University 970 iswi me iski buniyad fatmi khulafa ne rakhi thi ye bhi pehle ek madrasa tha.

Morocco me qarawiyyin university  859 iswi me iski buniyad rakhi gayi ye bhi ek madrasa tha.

Timbakutu me sankore university 988 iswi me iski buniyad rakhi gayi thi ye bhi ek madrasa tha.

Baghdad me al madrasatul nizamiya 1065 iswi me iski buniyad rakhi gayi ye bhi ek madrasa tha.

Madrastul Nizamiya kyun kaha jata hai? Iski wajah ye hai ki iska nisab aur iske banane me jiska haath tha wo saljuk badshah ke wazir e aazam Abu Ali Hassan bin Ishaq  khwaja Al Marouf Nizam Ul Mulk tousi ka tha. Ye azeem University ka sabse pehla principal Imaam Ghazali Rehmatullahe taala Alayhe hai. Is university me  Shaikh Saadi rehmatullahe alayhe bhi padhte rahe hai aur ye Azeem university ke principal Allama Ibn e Jauzi bhi rahe hai.

Madrasatul Nizamiya mai zyadatar Shafaee fiqh, Hambali fiqh padhai jaati thi aur Falsafa jot ha wo Ash’ari padhaya jata tha. Isiliye Abdul Qadur Gilani Shafaee aur Hambali dono pe fatwa diya karte the.

488 hijri se aapka Taalimi safar shuru ho gaya aur ye safar 496 hijri matlab 8 saal tak jaari raha.

University me Dakhila lene ke baad Ibtidaayi jo 20 din hai wo fakakashi me guzar gaye.

Yanha aakar sab se pehle aapne arabi padhi, tafseel, quran, hadith, fiqh, usool e fiqh, qalam,  maani, ansab, taarikh sab padh daala. 8 saal ke andar har shoabe mai aapne phd. Kar li.

 

DUARAN E TAALIM AAP SARKAR GAUS E AAZAM KI ZINDAGI KAISE GUZRI.

 

Asl me aap sarkar ke nana jaan hazrat somayee rehmatullahe ameer aadmi the wo aapke kharch ke liye paise bhejte. Aap sarkar wo paise usi din sham hote hote suraj dubne tak ghareeb aur fakeero me takseem kar dete aur khud faako me rehte. Uska nateeja ye nikla ki Al madrastul nizamiya me rihayeesh aapse le li gayi. Kyun ki ye madrasa high level ka madrasa tha jo fees par chalta tha. Aapke paas fees dene ke paise na bachte the isiliye aapse rihayeesh le li gayi par chun ki aap padhne me bohot qabil aur mehnati ho isiliye sirf sabak padhne ki ijazat university ne di. To ab Abdul qadir gilani kya karte ki Madrase me jaate sabak padhte aur phir kitab le kar jungle me chale jaate. Kai kai din tak aap ko khana nahi milta agar paise aate to fauran fuqara me takseem kar dete ya garib tulba me takseem kar dete.

Ek martaba aap farmate hai mujhe Yakuba shahar ke bare me pata chala waha ke log bade acchhe hai kyun ki wanha ek Allah ke wali Shaikh shareef yakubi Allah ke wali, behtareen muqareen rehte hai unki wajah se waha ke log bade narm dil hai. Waha ke log kya karte hai ki jab unki fasal pak jaati hai to wo fuqra ko , tulba ko, ghurba ko apni fasal mai se dete hai. Aap ke saath padh rahe tulaba us shahar me jaa rahe the to unho ne kaha Abdul Qadir tum bhi chalo hamare saath. Aap unke saath chal pade. Ju hi aap yakuba shahar ke andar dakhil hue to kisi ne farmaya yanha sheikh shareef yakubi rehmatullahe alayhe hote hai. Aap ne pucha abhi kahan hai wo. Kisi ne bataya wo fula jagah par waaz farma rahe hai. Abdul qadir gilani rehmatullahe taala alayhe ko  unse milne ki tadap jaagi unhone apne saathi o ko kaha aap jao anaj lene mai buzurg ki ziyarat karne jaa raha hu. Aap jaa kar unki waaz sun ne baith gaye. Sheikh sahreef yakubi rehmatullahe alayhe waaz farma rahe hai log unko sun rahe hai . waaz jab khatm ho gayi to sab uth ke jaane lage. Abdul qadir moaddib ho kar kone mai khade rahe. Sheikh shareef yakubi ne jab aap ko dekha ki aap abhi tak gaye nahi hai to aap ne Abdul qadir se kaha aap ko kuchh mujhse puchna hai? Abdul qadir ne arz ki jee haan huzur , aap ne sab ko naseehat ki kuchh khaas nasihat mujhe bhi farmaye. Sheikh shareef  yakubi rehmatullah alayhe ne abdul qadir rhmatullahe alayhe ko sar se paav dekha aur achanak aapke chehre me tabdili aayi to us waqt aapne nasihat farmayi. “TALEEBAN E HAQ KISI GAIR KE AAGE HAATH NAHI PHAILATE “ . Ye jumla sunte hi Abdul Qadir Gilani par ek ajeeb qaifiyat taari hui aur wo anaj chhod kar wapas baghdaad chal pade.

Aap sarkar Gause Aazam ke padhai ke dauran kai kai roz faako me guzar jaate. Ek baar aapko 20 din tak khana nahi mila kyu ki baghdaad me kahat pad gaya tha. Aapne bahar nikal kar socha kisi darakht ke patte khalu lekin dekha ek ek darakht ke saath 20 log patte khane me lage hai. Aap wapis masjid me aaye to bhukh ki wajah se nidhal ho kar gir gaye. Aap apne jism ko ghasit te hue masjid ke kaune me jakar simat kar baith gaye. Tabhi ek sahib masjid me dakhil hue unke haath me khana tha. Unko pata nahi tha ki abdul qadir kaune me baithe hai. Wo dusre kaune me baith kar khana khol kar khane lage. Khane me bhuna hua gosht aur roti thi. Hazrat gaus pak farmate hai jab wo aadmi apne muh me lukma daalne lagta tha mere munh khul jata tha. Khate khate us aadmi ki nazar mujh par pad gayi. Wo wanh se aakar ke mere saamne baith gaya aur khana mere saamne rakh diya. Kehne laga tum kha lo mera ye khana nahi hai mai bhi kisi ka kha raha hun. Aap sarkar ne apna haath rok liya aur puchaa tum kiska khana kha rahe ho ye? Kehne laga mai gilaan se aaya hun , ek abdul qadir naam ka ladka tha, uski walida ne 8 dinar bheje the. Mai usko kai dino se dhundh raha hun. Mera apna asasa tha wo bhi kharch ho gaya. Ab mere paas uske 8 dinar bache the usi me se ek dinar nikal kar gosht roti laya hun. Abdul qadir to mila nahi hai, chalo dono mil kar kha lete hai jab milega to maafi maang lenge. Aap sarkar muskura pade aur kaha bejhijhak khao wo abdul qadir mai hi hun. Aapne thoda sa khana khaya. Us aadmi ne baaki bache paise aapko diye to Sarkar Abdul Qadir gilaani ne usi waqt uth kar wo saare paise bahar jaake baant diye.

Musalsal faako ki wajah se aap se padha nahi jaata the. Ek baar padhte padhte aap nidhal ho gaye to hatib e ghaibi se awaz aayi “ utho , padhai karne ke liye roti khana zaruri hai” aapne kaha kaise khaun mere paas paise nahi hai. Ghaibi awaz se jawab mila uska intezam hum kar denge. Ye sunte hi aap sarkar ek roti wale ke yanha uske tandoor par gaye aur us se kaha ki mujhe dedh roti rozana de diya karo. Is shart pe ke jab paise aayenge to mai tumhe de dunga aur agar mai marr gaya to maaf kar dena. Ye jumla sun kar tandoor wala ro pada aur kehne laga thik hai tum rozana dedh roti le jaya karo. Aap waha se kuchh arsa tak dedh roti lete phir bandh kar ke faka karte, phir bhuk se nidhal ho kar gir padte. Phir hatib e ghaibi se awaz aayi ke hum tumse kaha tha roti le lena tum roti q nahi lete? Aapne farmaya mujhe sharm o nadamat hoti hai uska kai maah ka paisa dena baaki hai. Jawab aaya fulan jagah par pohcho waha tumhare qarz lautane ke saba bana hua hai. Aap fulan jagah pohche to ek virane me sone ka tukda pada tha aapne usko liya becha aur tandoor wale ka hisab lauta diya.

Fiqh aur usool e fiqh aapne padhi

Muhammad bin hussain bin Muhammad abul wafa ali bin aqil hambali se, 

Qazi abu saeed mukherrimi hambali rehmtullah alay se.

Abul khattab mahfuz rehmatullah alay se,

Aur adab aapne

Abu zakiya yahya bin ali se padha.

Hadith aapne

Muhammad bin hasan baqilani

Sahikh abdul saeed bin abdul kareem

Sheikh abul ganayeem mohammad bin ali bin Muhammad

Abu tahir abdur rehman bin ahmed

Mohammad bin mukhtar al hashmi

Ali bin ahmed al qarahi

Abdul qadir bin Muhammad bin yusuf

In jaise jayyeed mohaddisin se aapne hadith padhi.

 

“DAR  ASTUL ILMA HATTA SIRTU QUTBAN “

“MAINE ITNA ILM PADHA KE MAI QUTUB BAN GAYA”

Qutub wilayat me aala darje ka makaam hai.

 

AAPKI 26 SAAL SE 46 SAAL KI UMR YAANI 20 SAALA ZINDAGI KA SAFAR :

 

Ab takwimi wali hai, padaishi wali hai. Baghdad ke andar ek mashhoor dargah thi Hazrat hammad bin muslim shaami rehmtullah taala alayhe.  Aap sarkar inki mehfil me pohche. Ek riwayat ki mutabik Abdul qadir gilani jab baghdaad aaye to inhi ki bargah me ruke the. Aap sarkar ko zahiri ilm ki taalim lene ke liye bhi inhi buzurg ne farmaya tha. Uske baad aap sarkar gaus e pak ne madrasatul nizamiya me daakhila liya tha. Aap sarkar gause paak , hazrat hammad ke paas waqtan ba waqtan mulakat ke liye aaya karte the apne ilmi safar ke dauran. Sarkar hammad gaus e pak ko dekh kar farmaya karte the ki ye jo ajmi hai na ye wilayat ke bade martabe par faaiz hoga. Aur mai dekh raha hun ki do jhande iske sar par hai aur iski aasmano par badi shohrat hai.

Dusri riwayat ke mutabik aap sarkar gause paak ki mulakat hazrate hammad se tehsil e ilm ke baad hui hai. Wo kaise.?  Ki jab sarkar gaus e pak ne apni padhai jab 8 saal ke andar puri kar di, padhne ke baad aapne dekha ki Baghdad ki halat badtar ho rahi hai fitna o fasad, aiyyashi aur log din se hate hue hai, to aapne apni kitabein li aur jungle ki taraf chal diye. Jab sehra ka rukh kiya to kisi ghaibi shay ne aap ko pichhe se dhakka diya aur aap gir pade? Ghaib se awaz aayi kaha jaa rahe ho aap ne jawab diya mai apne din ko bachane jaa raha hun. Awaz aayi wapas chale jao, Baghdad me logo ko tumhari zarurat hai. Tumhare din ki hifazat Allah karega aur logo ko tumse faiz pohchega. Sarkar gaus e aazam iske baad baghdaad wapas laut gaye. Wapas aaye to Baghdad ki gali se guzar rahe the to pichhe ek darwaze se aawaaz aayi “ kal kaha jaa rahe the”? aapne pichhe mood kar dekha  to darwaza bandh ho chukka tha. Ab chhan bin ki ke ye kaun hai jo mere raaz ko jaanta hai. Pata chala ke wo Hazrat Hammad bin muslim shaami rehmtullahe taala alayhe the. Aap sarkar unki mehfil me pohche. Pehle din to aap hazrat hammad ne sarkar ki khub aavbhagat ki lekin jaise jaise din guzarte gaye aap gaus e paak ko apne se juda karne lage. Kehne lage yanha kyu aa jate ho tum padhe likhe ho, yanha tumhara kya kaam jao kisi madrasa me fiqh padhao. Ek baar aapne sarkar se farmaya jao hamare paas rotiya aayi thi humne kha ke khatm kar di. Yanha tak ke dargah ke shagird bhi sarkar gaus e paak ko fiqhi keh kar Mazak udane lage. Is par hammad bin muslim ne apne shagirdo se kaha “ aey kutto tum uska Mazak udate ho tum me se ek bhi uske martaba ka nahi hai” .  mai to usko  isliye aziyat deta hun ki mai uska imtehaan leta hun haala ki wo itna bada pahad hai ki usme zarra barabar bhi zumbish nahi hoti.  Aur is ajmee ka itna bada rutba hoga ki tamaam auliya uski taraf ruju karenge. Dusri wajah ye hai ki hazrat hammad bin muslim ke paas sarkar gause paak ke hisse ka faiz nahi tha. Wo hazrat Mubarik Mukherrimi rehmatullah alayhe ke paas tha. Teesri wajah ye ki abhi sarkar gause paak ko aur mujahade karwane hai. Abhi 13 14 saal aur baaki hai. Hazrat Hammad bin muslim ne socha ki agar mai abdul qadir ko mohabbat dene lagunga to wo yanhi ruke rahenge isliye aapne unhe aziyat dena shuru kiya aur is tarah se abdul qadir dheere dheere aap ki mehfil me aayna bandh ho gaye.

 Iske baad sarkar gause paak ne Hazrat Abu Saeed Mukherrimi rehmatullah taala alayhe ki bait ki.  Aap gaus e paak ke ustad bhi hai, mudarris bhi hai . aap ne gaus e paak ko khilafat ata ki aur apne madarse ka mudarris bhi banaya. Hazrat Abu saeed mukherrimi rehmatullah taala alayhe ka wisal 513 hijri me hua. Us waqt Abdul qadir Gilani ki umr Mubarak 43 saal thi. Ab khadir alayhissalam bhi aap gaus e paak ke tarbiyat karte rahe hai.  Aap sarkar ne 18 saal se 40 saal tak khub mujaheda kiya, roze rakhe, sehri o iftar paani aur patte se ki. Apne nafs ko qabu me kar liya. Jab shaitan ne dekha ki abdul qadir apne nafse ko maar chukka hai to shaitan ne apne chele bheje gause paak ko maar ne us se jung karne ke liye khud allah taala ne farishto ki jamaat bheji, gaus e paak ki hifazat karne.  Jab iblis ne dekha ki uske chelo ka bas nahi chal raha to ab iblis khud aaya abdul qadir gilani ko maarne lekin jaise hi wo aage badha gaib se ek haath zor se uske sar par pada aur wo zameen me dhans gaya. Gaus e paak farmate ki shaitan palat palat kar hamle karta lekin jab mai laa haula wala quwwata illa billah hil aliyyil adhim padhta to unme aag lag jaati. 496 se 509 hijri tak chillo ka silsila raha.  Aakhri chilla aapka bohot shadeed tha , aapne 40 din tak kuchh nahi khaya. Shaitan ko jab ye pata chala ke gaus e paak apne makam par pohochne wale hai to usne apna harba istemaal kiya.  Wo baadal ki shaql me sarkar gaus e paak ke paas aaya aur bola “ aey abdul qadir jao maine saari namaaze tum par maaf kar di.” Mai tumse khush hua.  Gause paak ko khyal aaya jab huzur e paak, maula ali, hasnain karimain ko namaz maaf nahi hai to mujhe kaise hogi.

Aap ne zor se la haula wala quwwata illa billa hil alliyyil adhim kar ke phoonka to shaitan dhuan ban ke udd gaya.  Lekin jaate jaate phir ek hathkanda azmata gaya, kehne laga aey abdul qadir aaj tujhe tere ilm ne bacha liya. Sarkar gaus e paak ne farmaya nahi mujhe mere Allah ke fazl ne bacha liya.

Ab aapke peero murshid abu saeed mubarik mukherrimi ko order hua ki aapke mureed abdul qadir ka mujaheda pura hua aap unko ghar le aaiye taa ki log unka faiz paa sake. Aap abdul qadir gilani ko bulane gaye aur kaha chalo tumhara waqt pura hua ab tum mere ghar chalo. Itna kehkar wo ghar aa gaye lekin gause paak kamzori ki wajah se nidhal pade hai. Phir hazrat khidar alayhissalam ne sarkar gaus e paak ko apne murshid ke paas jaane ko kaha. Jab gause paak apne mursheed ke ghar pohche to istekbaal karne khud abu saeed mubarik mukherrimi darwaze par khade hai aur aapko dekh kar muskura rahe hai. Aur pyar se keh rahe hai kya hamara kehna kaafi nahi tha ki khidar alayhissalam ko jaa kar kehna pada. Andar gaye to aap ke mursheed ne apne haatho se roti ke tukde kar kar ke abdul qadir gilani ke muh me rakhe. Har lukme par sarkar gaus e paak ke martabe buland hote jaate, roti khatm hui to tamaam raaz sarkar gaus e paak par aashqaar ho gaye. Phir mursheed ne apna jhubba Mubarak gause paak ko ata karke apni khilafat ata farma di.

AL GAUSUL AAZAM MUREED HAI HAZRAT ABU SAEED MUBARIK MUKHERRIMI REHMATULLAH ALAY KE

YE MUREED HAI ABUL HASAN AL QARSHI HAQQARI REHMATULLAHE ALAY KE

YE MUREED HAI  MOHAMMAD  YUSUF TARTUSI REHMATULLAHE ALAY KE

YE MUREED HAI ABDUL WAHID TAMIMI REHMATULLAH ALAY KE

YE MUREED HAI ABDUL AZIZ JABALI REHMATULLAHE ALAY KE

YE MUREED HAI HAZRAT ABU BAKR SHIBLI REHMATULLAH ALAY KE

YE MUREED HAI HAZRAT  JUNAID BAGHDAADI REHMATULLAH ALY KE

YE MUREED HAI HAZRAT SIRRI SAQATI REHMTULLAH ALAY KE

YE MUREED HAI HAZRAT MAROUF KARKHI REHMATULLAH ALAY KE

YE MUREED HAI HAZRAT DAUD TAAI REHMATULLAH ALAY KE

YE MUREED HAI HAZRAT HABIB AJAMEE REHMATULLAH ALAY KE

YE MUREED HAI HAZRAT HASAN BASARI REHMATULLAH ALAY KE

YE MUREED HAI MAULA ALI SHERE KHUDA KE.

 

Khilafat milne ke baad aapne tadrees shuru kar di lekin taqreer abhi aapne shuru nahi ki thi. Aapne apne madrasa me fazr se Zohar tak tafseer, fiqh, usul e fiqh, hadhith padhana shuru kiya. Zohar ki namaz ke baad aap tajweed padhate. Aahista aahista log aapke madarse me padhne aana shuru ho gaye. Jab aap padhane lage to Zohar se thodi der pehle qailulla kiya karte. Jab aapki umr 51 saal ki hui aur aap qailulla farma rahe the tab aap ko Huzur salallaho alayhe wa sallam ka deedar ho gaya. Aap ne dekha ki huzur e paak salallaho alayhe wa sallam jalwa farma hai aur farmate hai ki aey Abdul Qadir tu Taqreer kyun nahi karta? Arz ki huzur ye sab log arabi bolte hai mai farsee hun ajamee hun kaise takreer karu? To usi waq huzur e paak salallaho alayhe wasallam ne apna luab e dahan gaus e paak ke muhn me 7 martaba daala aur farmane lage aaj se takreer shuru. Aur jab gaus e paak uthe to uthte hi ailaan kiya ki aaj mai Zohar ki namaz ke baad takreer karunga. Jun hi aap mimbar par baithe chand aadmi hi aage the aapke. Ek ajeeb si qaifiyat taari hui dekhte hai maula ali shere khuda tashreef laaye aur puchha bete taqreer shuru kyun nahi karte? Aapne kaha jhijhk ho rahi hai. Maula ali ne 6 martaba apne luab e dahan gaus paak ke muh me rakh diya. Ab gaus e paak bejhijhak taqreer karne lage aur ilm ka samandar bahane lage. Teen din takrreer farmate, jumua, itwar aur peer ya mangal. 70 hazar aadmi aapki takreer sun ne aate. 400 qalam dawat pade rehte jo aapki takreer likhte. Bade bade ulma aur jayyid aalim aapki taqreer me baithte.

GAUS E PAAK KI SHAADI : 

 

51 saal ya 52 saal ki umr Mubarak me aapne shaadi ki. Aapne kul 4 shaadiyein ki. Bibi madina binte mir mohammad pehli jauza aapki. Bibi sadiqa binte mohammad shafi dusri jauza.  Bibi momina teesri air bibi mahbuba chauthi jauza aapki. Aur Allah taala ne aapko 49 bachhe atta farmaye. 20 ladke hai aapke.

GAUS E PAAK KI KITABEIN : 

Wali Allah ki sabse badi karamat unki tasanif hoti hai.  Gause paak ne bohot si kitabein likhi jaise ki FUTUHUL GHAIB jiska mauzu tasawwuf hai.

AL FATHUL RABBANI  isme aap sarkar ke 62 khutaba hai. Inko jama kiya aapke nawase sayyid afifuddin mubarik ne murattib kiya.

Iske alawa MAQTUBAT E SUBHANI isme khutut ka majmooa hai jo aapki jawani mai aapne logo ko khat likhe the.

MARATIB UL WUJOOD kitab hai aapki.

BASHAIRUL KHAIRAT kitab hai aapki jisme huzur e paak par durud likhe hai aapne.

AL FUYUZAT E RABBANI FIL AURAD E QADARIYA aapki kitaab hai.

TOHFATUL MUTTAQIN WA SABILUL AAREFEEN, WAQEATUL HIQM, JILAUL KHAWATIR FIL BATIN WAL ZAHIR jusme 45 majalis o khutabat hai. SIRRUL ASRAR WA MAZHARUL ANWAR FI MA YAQTA MIN ABRAR.  AL RISALATUL GAUSIYA,  GHUNIYATUTTALEBIN, HISBUL RIJA WA INTEHA, ye sab aapki kitabein hai.

Huzur e paak salallaho alayhe wa sallam ki seerat ka, surat ka aur akhlaq ka bilkul namoona hai sarkar gaus e aazam. Aap sahabi na the, nabi na the baki sab kuchh the Allah ne itna martaba aapko diya.  Aapne Alllah ki itni ibadat ki itni mohabbat ki ke Allah ne aap ke naam hi ko ism e aazam bana diya. Jo aadmi sachhe dil se ye kahe aey Allah sarkar gaus ul aazam ke sadqe meri hajat puri kar de. Allah uski hajat puri farma deta hai. Aap sarkar gause paak ne 91 saala zindagi paayi. Uske baad 8 ko, 9 ko , 10 ko, 11 ko , 14 ko ya 17 rabius sani baroz itwar din ke waqt aap is duniya se tashrif farma gaye. Rukhsat hue to aapke bete ne aapka janaza padhaya. Allama ibn e jauzi ke nawase allama shamsuddin abul muzaffar yusuf ne apni taarikh me likha hai ki aapne 561 hijri me wisal farmaya.